III CAMPIONATO DE FUTBOLÍN OS CABAQUEIROS. CONCELLO DO ROSAL. 8 E 9 DE OUTUBRO, 2011

A Asociación Sociocultural Os Cabaqueiros do Futbolín e o Concello do Rosal organizarán o III Campionato OS CABAQUEIROS 2011. Estas son as bases, programa e inscricións:

10 € persoa (20 € a parella). No noso blog, na dirección de correo asociacioncabaqueiros@hotmail.com e no teléfono 637 311 007. Repartiranse as follas de inscrición polos establecementos do BAIXO MIÑO (A Guarda, O Rosal, Tomiño, Tui e Oia).

Podedes apuntarvos como máximo ata o venres 7 de outubro ás 21:00 horas, na propia PRESENTACIÓN DO CAMPIONATO, que se celebrará no Centro Social Polivalente do Rosal.

MODALIDADE: PARADO

Ao igual que o ano pasado os NOMES DOS EQUIPOS participantes deberán ser palabras, frases ou expresións da fala ou “verbo” do CABAQUEIRO (agás equipos patrocinados).

INAUGURACIÓN E FASE DE GRUPOS: Sábado 8, das 16:00 ás 20:00 horas.

FASE FINAL: Domingo 9, de 11 a 14 horas e de 15:30 ás 20:00 horas.

O mércores 12 de outubro terá lugar ás 16:30 horas a PRESENTACIÓN OFICIAL DA ASOCIACIÓN SOCIOCULTURAL OS CABAQUEIROS DO FUTBOLÍN e a entrega de premios do III Campionato.

Ás 17:00 horas, a artista e cantante EREA CASTRO lerá o pregón da XXIV Festa do Cabaqueiro, para inmediatamente despois da súa intervención, os mestres telleiros iniciar a súa demostración anual de “taxicar cabacas e toupos a ghoucha” (facer tellas e ladrillos a man).

PREMIOS

1º : 200 € + Trofeos + Medalla + Diploma + Premio Especial

2º: 100 € + Trofeos +Medalla+ Diploma + Premio Especial

3º: 50 € + Trofeos + Medalla + Diploma + Premio Especial

4º: 25 € + Trofeos + Medalla + Premio Especial

A Asociación OS CABAQUEIROS outorgará tamén DÚAS CEAS para CATRO PERSOAS no RESTAURANTE JUAN (O Rosal) e na MARISQUERÍA O ROXO (A Guarda), ademais dunha noite na CASA CABAQUEIROS (Casa Rural. O Rosal)

Todos os participantes levarán fantásticos premios conmemorativos do III Campionato de Futbolín Os Cabaqueiros. Concello do Rosal 2011.

*Estes premios están estipulados para un mínimo de 20 parellas.

AS FINS DE SEMANA (VENRES E SÁBADO) REALIZARANSE EXHIBICIÓNS DE FUTBOLÍN NO BAR FLORO, BAR TROYA E BAR D’BUTE (O ROSAL).

Ler máis

Sevi e Dani, proclámanse Campións de España de Futbolín en Movemento F-2 do ano 2010

Os días 5, 6 e 7 de decembro celebrouse en Padrón (A Coruña) o “XIV Campeonato Nacional de Futbolín”.

Ata alí se desprazaron as mellores parellas de toda España para disputar este torneo en diferentes modalidades (combinada, parado, feminino e movemento).

O rosaleiro Carlos Álvarez Antúnez (Sevi) e o goianés Daniel Rodríguez Martínez –membros da Asociación Sociocultural Os Cabaqueiros do Futbolín- proclamáronse Campións de España desta última (movemento F-2) tras gañar na final aos cataláns Javier e Óscar.

Aproveitando a vitoria e o remate deste ano “futbolineiro” na nosa vila, foron recibidos e felicitados na casa consistorial polo alcalde rosaleiro Jesús Mª Fernández Portela e o concelleiro de Deportes, Ángel Martínez Villa.

Acompañaron aos Campións de España nesta recepción, ademais de familiares e amigos –entre outros- Sergio Casal Fernández (Yeya), vencedor con Luis Martínez Pereira, do I Campionato Os Cabaqueiros 2009 e Mary Domínguez Rodríguez, xunto con Ruth Mª Martínez, gañadora do I Campionato Feminino Noticias O Rosal 2010.

Tanto o Alcalde como o edil de Deportes mantiveron unha animada charla con Sevi e Dani e os demais xogadores e animáronos a seguir nesta liña, facendo mención ao primeiro torneo creado e organizado polo Concello o ano pasado (“Os Cabaqueiros”), que serviu como impulso para animar á xuventude e recuperar este xogo tradicional non só xa na vila do Rosal senón na comarca do Baixo Miño.

Rematou este acto cunha sesión fotográfica para a lembranza, cos campións e os seus respectivos trofeos, diante da Casa do Concello e tamén fronte ao “Daorde de Lurio” (monumento de pedra, obra de Pepe Antúnez Pousa, en homenaxe ao Cabaqueiro).

Ler máis

Información de contacto da Asociación Sociocultural Os Cabaqueiros do Futbolín

Podes contactar coa Asociación mediante a nosa dirección de correo electrónico (asociacioncabaqueiros@hotmail.com) ou chamando ao teléfono 637 311 007.

Lembra que tamén estamos presentes na rede social Facebook (http://es-la.facebook.com/asociacioncabaqueiros).

Ler máis

Presentación oficial do I Campionato de Futbolín "Os Cabaqueiros". Concello do Rosal 2009

O venres 9 de outubro tivo lugar no Centro Social Polivalente a Presentación e sorteos dos equipos participantes no I Campionato de Futbolín “Os Cabaqueiros”. Concello do Rosal 2009, que se celebrou na Praza do Calvario.

O acto foi presentado polo alcalde Jesús Mª Fernández Portela e –aparte das parellas participantes- asistiron entre outros, Rafa e Juan membros da Fundación O Rosal, os concelleiros Pablo, Mabel, Charo e Ángeles así como a conserxe Chus e representantes dos establecementos que cederon os futbolíns (Bar Troya e Pub Jota Jota).

Estes foron os participantes, por orde de inscrición:

1.- Os Amigos: Antonio Lomba Rodríguez e José Martínez Fernández; 2.- Portecelo: Marcos Casal Fernández e Carlos Alberto Álvarez da Concepción; 3.- Brasil: Juan Ramón Martínez e Alfonso Fernández Pérez; 4.- By Per@: Diego Álvarez Fernández e Diego Martínez Alonso; 5.- ROBJOR: Jorge Domínguez Rodríguez e Roberto Martínez González; 6.- Juan a File: Mª del Carmen Domínguez Rodríguez e Ruth María Martínez; 7.- FRONYORS: Sergio Diego Fernández e Jorge Silva Álvarez; 8.- Tocayos: Jorge Vicente Sousa e Jorge Martínez Barbosa; 9.- Equipo B: Efrén Rodríguez Rodríguez e Ángel Alfonso Rodríguez Pérez; 10.- Os Trincapistillos: Raúl González Martínez e José Antonio Portela Sobrino; 11.- Equipo A: Santiago Lima Ameal e Daniel Rodríguez Rodríguez; 12.- Real Madrid: Iván Sobrino Rodríguez, Óscar Braga e Iago Pereira Troncoso; 13.- Pub Jota Jota: Pablo Álvarez Álvarez e Rafael Silva Álvarez; 14.- ADDICT: Simón Ubeira Acuña e Mario Martínez Fernández; 15.- Yeya-Luis: Sergio Casal Fernández e Luis Martínez Pereira; 16.- RMX-NIÑO: Sergio Rodríguez Álvarez e Braulio Álvarez González.

Ler máis

Sergio Casal e Luis Martínez (Yeya-Luis), gañadores do I Campionato de Futbolín "Os Cabaqueiros" 2009

Os días 10 e 11 de outubro de 2009 celebrouse na Praza do Calvario do Rosal o I Campionato de Futbolín "Os Cabaqueiros" en homenaxe aos vellos telleiros do Baixo Miño nun ambiente de festa e exemplar compañerismo entre os participantes.

O torneo foi gañado pola parella formada por Sergio Casal Fernández e Luis Martínez Pereira (Yeya·Luis) que gañaron na final a Sergio Rodríguez Álvarez e Braulio Álvarez González (RMX·NIÑO).

Na loita polo terceiro posto venceron Diego Álvarez Fernández e Diego Martínez Alonso (By Per@) ao equipo "Os Amigos" integrado por Antonio Lomba Rodríguez e José Martínez Fernández.

Ler máis